อย่าฟ้าวฟั่งรับเอาของเพิ่นมาฝากแม่นหากเป๋นของผิดกฎบัตรกฎหมายก็จักได้ร้ายยามเมื่อปายลูนหวังจักเป่นกุณป้อยจักเป๋นโตษหื้อซ่อนความโกรธยามแขกแก้วมาเรือนอย่าตี๋หมูหมาเอิ้นด่าหย้อส่องหน้าคนอื่นหื้อแป๋งใจ๋จมจื้นปิติต้องตื่นเจี๋ยรจ๋ำหาขันหมากมาดาหาขันพลูยามาสู่ยิ้มแย้มยามเอ่ยอู้เลี้ยงหมู่แขกแก้วเป๋นตานมีใจ๋เจยบานบ่แป๋งหน้าโศกเศร้าปี้น้องเก็บไปเล่าว่าเหมือนเตวะบุตรเตวะดาเตี่ยงจักได้หันหน้าเจ้าต๋นมีบุญฮู้อุปัถถากกุณพ่อแม่ผัวต๋นเรือนมงคลกวาดเผี้ยวหมดใสสะอาดความตุ๊กข์ยากบ่ห่อนจักมีใครเป๋นดีหื้อหลับเดิ้กลุกเจ๊าหื้อหมั่นฮิเข้าฮอมครัวอยู่ตั๋วคนเดียวอย่าไปจ่มอย่าห่มผ้าจิ่มผู้ไข้อย่าไง้ขอนหาจั๊กเข็บอย่าไปเก็บกำส่อหื้อต้านผิดกั๋นกำบ่มีแป๋งใส่กำบ่ใหญ่แป๋งเอาจักเป๋นไฟแผดเผาสูต้านเมื่อปายลูนแหล่นายเหย
ปู่สอนหลาน · ลำดับ 025