ปู่สอนหลาน ภาคที่ 31

ตุ้มผ้าลายหมามันช่างเห่าคันกำเก่าช่างผิดเถียงกั๋นกำเก่าเล่าไว้ปู่ได้ปล๋งปั๋นหมามันสำคัญเพราะหันลายผ้าเรื่องแล้วผ่านไปอย่าค้นขายหน้าก่อวิวาทาจ่มฟ้องตุ๊กข์บ่ได้กิ๋นไผบ่ตามไฟส่องต้องตุ๊กข์บ่ได้นุ่งหย้องพี่น้องดูแคว่นก๋ารบ้านก๋ารเมืองเรื่องตี้ควรแหนวงเหล้าชุแดนวงช่างแตกได้ลัทธิศาสะนาอาวอาตี้ไหว้ช่างผิดกั้นไปกล่าวจี๊ฮู้หลบเป๋นปีกฮู้หลีกฮู้ลี้เอาตั๋วรอดได้หลานนายกำอู้นั้นช่างปาตั๋วต๋ายปล๋าหมอว่าวายเพราะปากแม่นหมั้นเปิดเสื้อหันหลังของตั๋วเก่าหั้นของบ่หล้างมันแต่ตั๊กเอากระดูกแขวนคอหื้อมันหนักนักแสนลำบากอั้นเต็มทีอู้หื้อเพิ่นฮักยากนักดีหลีเสน่ห์คนมีอยู่ตี้กำอู้อยู่ที่กำอู้แหล่นายเหย