บุญมีบ่ต๋ายเขาควายหล้างว้องป๋างเมื่ออั้นทีลูนกันผัวว่าแล้วเมียแก้วอุดหนุนแก๋งปล๋าใส่ตูนลำเปื้อใส่ส้มชีวิตครอบครัวมีฝาดมีส้มมีขม มีเก็มสัปป๊ะถ้ามีกำอดจักได้เป๋นพระต๋นแกว่นกล้างามเถาไผว่าช่างเต๊อะค่าเซอะช่างเขาชะแนมตั๋วเอาศีลธรรมบ่เสี้ยงร่มธรรมพุทธานำมาเกิ๊ดเกิ้งจักเถิงเมืองบนจั๊นฟ้าอย่าถือไผดีอย่าตือไผจ๊าช่างเป๋นเมฆฟ้าปามัวค่อยอยู่ต๋ามน้ำทำไปต๋ามตั๋วน้ำเปียงใดดอกบัวเบียงอั้นฮู้ตั๋วเอาเฮามีดอกสั้นหื้อมัดตี้อั้นกิ่วแค้วฐานะเฮาจ๋นเหมือนฝนตกแล้วน้ำจืมหายเข้าดินทรายแข่งช้างแข่งม้านาวาตังหลายแข่งเรือแข่งพายยังพอแข่งได้แข่งวาสนาบุญญานี้ไสร้มีไผคนใดแข่งต๊าชีวิตทุกนามจักงามสะง้าปออยู่ปอกิ๋นปอได้บ่อเปียงแหล่นายเหย
ปู่สอนหลาน · ลำดับ 037