ปู่สอนหลาน ภาคที่ 42

สัปป๊ะภาษิตลิขิตค่าวจ๊อยคำเมืองสอดสร้อยม่อนน้อยจักไขอย่าได้สะแม้งระแวงสงสัยฟังสารซอใยจ๋ำไว้เตี่ยงหมั้นเป๋นภาคเป๋นต๋อนสุนทรบ่สั้นติดต๋ามต่อพันเติ๊กเต๊าระวังยังต๋นกลั๋วคนอ่อยเป๊าจุล่ายเข้าเป๋นพาลอันคนถ่อยไร้อย่าได้สมานควรรีบรนรานคิดก๋ารถ่ายเถ้าอย่าเลี้ยงเสือผอมหวังตอมจะเข้มันช่างหุมเตเมื่อซ้อยจ้าตี้สัตว์หน้าขนขบคนอ่อนน้อยเลี้ยงเปล่าจ๊อยดอมดายแข่งช้างแข่งม้านาวาตังหลายแข่งงัวแข่งควายสมหมายง่ายใบ้แข่งวาสนาแข่งต๋าบ่ได้ก๋รรมหากนำไปเติ๊กค้างอย่าอวดศักดิ์ศรีอย่าขี้เผียบช้างบ่สมไฝ่อ้างเดิมพันก็ไผว่าเล้าจักเอาเป็ดขันต่อต๊าพนันแข่งขันไก่แจ้ก็คงบ่สมอารมณ์แต่แหละเอาเสียงแมงแวร่ำร้องมาแข่งดนตรีเภรีปาทย์ก๊องต๋ามเจ๋ตน์ข้องคนเมากลิ้งครกใหญ่ล้นขึ้นบนภูเขาย่อมเสียแรงเฮาเพิ่นเหมาว่าบ้าแหล่นายเหย