กึ๊ดดูถี่ซั้นผมบังภูเขาภรรยาของเฮาถ้าเสียก็จ้อยอยู่กั๋นหลายปี๋ไม่ใช่ของน้อยถ้าได้คนดีก็ตึ๊กหื้อไปถ้องถามผู้ปัญญาเลือกขะแนมว่าได้เมียดีไผว่าก็แล้วหื้ออดขันตีอย่าหลงวาจีไผไหนกล่าวถ้อยพ่องจุหื้อเสียพ่องพาต่ำต้อยไผอยากหื้อเฮาเป๋นดีล้ำล้นความริษยามันหนีบ่ป้นคนตี้หวังดีมีน้อยเนอนายขอหื้อหลานคิดพิจารณาหลายคบมิตรญิงจายฮู้จักก้าหน้าเฮาบ่ฮู้ใจว่าไผใคร่ฆ่าหื้อพิจารณาถี่แคล้วบ้านเมืองสมัยไว้ใจ๋คนแล้วช่าง เป๋นบาดแบ้วภัยยาปะคนดีแต๊นับเป็นวาสนาเหมือนปะศาสดาคำสอนพระเจ้าโบราณก๋าลเจ้นเหมาะหม่อนเฒ่าเป็นสอนหื้อเฮาทราบไว้อย่าหันกงจักรเป็นดวงดอกไม้มันช่างฮ้อนไหม้ทีลูนแหล่นายเหย
ปู่สอนหลาน · ลำดับ 049