. เว้นหมาไกล๋ศอก เว้นวอกไกล๋วา เว้นคนพาลา หื้อไกล๋วแสนโยชน์ เว้นคนขี้โกรธ หื้อไกล้เหลือนั้น คนมักโกรธคิดสั้น เป๋นภัย
. ไฟไร้ควันน้ำ มีในใจ๋ไผ โทสะคือไฟ ความโกรธเนอเจ้า โทษมีนักเหลือ สุราน้ำเหล้า โก๋ชะคนเฮา โลกนี้
. หลานจ๋ำใส่ใจ๋ หนีไกล๋แสนลี้ เขาอาจฆ่าผู้ตี้ มีคุณ โทสะร้ายนัก ช่างมักหันหุน ตกป้างภัยลูน ติดคุกขังแถ้ง
. เผื่อมาฮู้คิง น้ำปิงปอแห้ง กิ๋นแหนงปอวาย แท้ละ คนไฟไร้ควัน โลกนี้มีแยะ แม่นไผเข้าใกล้ อันตราย
. อย่าได้พลาดพลั้ง ระวังใจ๋ก๋าย คิดก่อนทำไป โกรธคือบ้าใบ้ ฮู้ว่ามีเสือ อย่าเอาเรือจอดใกล้ ฮู้ว่ามีมอดอย่าเอาไม้ เข้าไปอิงแหล่นายเหย.