. ไม้พัวะพะลั้ง น้ำตั้งขอนไหล บ่ดีเก็บไป ดังไฟนึ้งเข้า เปรียบคนโต๋งเต๋ง โหลงเหลงขี้เหล้า งานหนักบ่เอา คร้านล้ำ
. สอนเป็นไต่ขัว ตั๋วเก่าตกน้ำ ไม้พัวะเปรียบอั้น เนอนาย ขอหลานที่รัก เจ้าร่างคิงผาย จุ่งฟังนิยาย ปู่เล่าปั๋นหื้อ
. เห็ดบ่มีขอน ไผตึงบ่หยื้อ เปิ้นเล่าเปิ้นลือ ขอนพัวะ นาปงบ่ไถ ไปไถนาโละ บ่มเปอะแขมหญ้า พงพี
. โบราณว่าไว้ ไห้เอาขอนผี ของเป็นว่าดี ขอนผีขี้เหล้า เอาเข้าบ้านจอง จักหมองเนอเจ้า จักเสียทีเรา ผืดกั๊บ
. บ่ฮู้ปล๋ายตื๋น ห้วนนอนบ่อนทับ เหมือนไม้พัวะพลั้ง ไหลมา เว้นเสียไกล๋เต๊อะ อย่าได้ลาสา ช่างเป๋นภัยยา นำพาเข้าบ้าน
. น้ำตั่งขอนไหล เป๋นภัยเสี้ยงถ้าน เปรียบเหมือนคนพาล นั่นแหล่นายเหย.