“ อ้อยต่าวล้ม บ่ส้มก็จ่าง ”
มีดน้อยคมบาง บ่เทียมมีดโต้
เชือกป้อยามฝน บ่ทนเหมือนโซ่
เอามาทำโท ลากจั๊ก
คติคำคม ซ่อนปมอยู่นัก
ปู่จักเล่าต้าน บรรยาย
อ้อยต่าวล้มล้วน เปรียบคนตังหลาย
บ่ว่าญิง จาย ทรัพย์สินเสี้ยงหั้น
ย้อนว่าตั๋วเอง คิดเบาเอาสั้น
บ่หันสำคัญ สิ่งทรัพย์
ยามมั่งยามมี บ่ยำบ่นับ
สุรุ่ยสุร่ายได้ จ่ายลง
เงินมีหลายล้าน บ่ค้างยังถง
ผลาญพร่าปลดปลง ไร้จองไร้บ้าน
เมื่อยามเป็นดี ประมาทเสี้ยงถ้าน
บ่เชื่อธรรมโม ธรรมะ
อบายมุขใด คบมันสัพป๊ะ
กิ๋นแอ่วเที่ยวเล่น ทุกทาง
เปรียบอ้อยต่าวล้ม บ่ส้มก็จ๋าง
ยามหมดสตางค์ คร่ำครวญป่วนบ้า
แหล่นายเหย.