ติดต่อกำจ๋า
พุทธาว่าไว้
แสงประทีปไต้
ส่องโลกโลกี๋
ก่อยอดก่อยเยื้อน
ยึดมั่นขันตี๋
อดเต๊อะคนดี
ทนทานตั้งหมั้น
คนมีขันตี๋
บ่ตุ๊กข์ยากกั้น
บ่ละพงษ์พันธุ์
เผ่าเจื้อ
พี่กั๋นน้องกั๋น
ควรดีฟักเฟื้อ
อย่าได้เปิดเสื่อ
หันลาย
ญา-ติพี่น้อง
เกี่ยวข้องกั้นหลาย
ชีพบ่วางวาย
อย่าตัดขาดก้อม
อย่าเป๋นงูตึง
งูเปาเห่าห้อม
อย่าตัดสินเปียง
โศกกั๊ด
หล้างพ่องละผัว
ละเมียดว่างซัด
พ่องละเผ่าผู้
พงษ์พันธุ์
พ่องรักลูกนั้น
บ่เสมอกั๋น
หล้างพ่องตัดบัน
เผ่าเจื้อเครือเหง้า
มีดวงฤทัย
จิตใจ๋มืดเส้า
ไปหลงมัวเมา
อื่นนั้น
หล้างพ่องข่มเหง
วงศ์วารเจื้อจั๊น
อันสืบเนื่องด้วย
ไขมัน
เกิดมาจากท้อง
พ่อแม่เดียวกั๋น
หากเป็นพงษ์พันธุ์
พี่น้องร่วมไส้
เมื่อพ่อแม่มี
บ่ตกต่ำใต้
ข้าวของอันใด
ก็นัก
พ่อแม่เซาะหา
ไว้หื้อลูกรัก
กลั๊วตุ๊กข์โศกต้อง
ดอมตาย-แหล่นายเหย.