โอวาตา
สัตถาพระพุทธ
ท่านสอนมนุษย์
แม่แจ้งสัจจั๋ง
อะ เส วะ นะ
จะ ฆะ ระ ตั๋ง
จะ พา ลา นัง
คบคนง่าวใบ้
จักนำเอาตั๋ว
ตกลงลุ่มใต้
อบายภูมิ
แคว่นค้าย
หันผิดว่าดี
หันดีว่าร้าย
ก็เรียกชื่อได้
พาโล
กั๋ม มะ โภ คะ
อะ กะ ยะ โต๋
หากได้ทำโท
บาปกรรมบ่เสี้ยง
จำเปรียบเตียมเหมือน
นกแลนกเอี้ยง
ปากเป๋นคำคน
ม่วนนัก
เพราะเจ้ามันสอน
หื้อเอิ้นปากตั๊ก
ร้องเรียกว่าเจ้า
คนงาม
เต๋มว่าผางร้าย
หน้าไก้ปุ๋มหลาม
ก็จ๋าว่างาม
ต๋ามความง่าวใบ้
เพราะว่าคนสอน
นกจ๋ำไว้ได้
ความหมายมันยัง
บ่รู้
คนยกเอาตั๋ว
ข่มเป๋นคิ่นคู้
มักจ๋าอวดอู้
เป๋นธรรม
ใดดีใดร้าย
นับว่านับจ๋ำ
แต๊ใจ๋มืดดำ
ลืมธรรมพระเจ้า
แหล่นายเหย.