. เพี้ยงหุบหน่วยไม้ ฮู้ได้กิ๋นผล เพี้ยงหุบกิ๋นคน ตั๋วดำก่ำเส้า บ่ว่าหญิงชาย ตังหนุ่มตังเฒ่า อย่าได้มัวเมา เจ้นล้ำ
. จา-ติว่าปล๋า ถ้าบ่มีน้ำ จักอดอยู่ได้ ฉันใด กันไปหันน้ำ นทีฟองใส คงทอดอาลัย น้ำน้อยบวกตื้น
. โรคเอดส์หุบไผ ร้องไห้สะอื้น เพราะหลงเมาวีน ข้องแวะ ก๋าเมสุก๋รรม มีดดำนั่นและ น่ากลัวบ่หน้อย เนอนาย
. ขอหลานยับยั้ง ตั้งจิตใจ๋หมาย เปิ้นว่าอันตราย ตั๋วว่าพระเจ้า ป่าใดมีเสือ พายเรือมุ่งเข้า ชีวิตลอยเบา นุ่นงิ้ว
. ตี้เปิ้นว่างาม ตั๋วว่าขี้ริ้ว คำเตือนปู่ป้า ลุงอาว์ บ่ต๋ายหรอกน้อง อดเสน่หา อดโภชนา ชีวาหมิ่นสั้น
. อดได้เป๋นยา มีผญ๋าตั้งหมั้น น้ำไหลบ่ตัน ฮ่องลึก อี่ปู่สอนหลาน หว่านคำสำนึก เพี้ยงหุบบ่ได้ แหล่นายเหย.