. บ่ดีฮ้องพ่อ ว่าเสือเฒ่า บ่ดีฮ้องตุ๊เจ้า ว่าเสือเหลือง บ่นับตุ๊พระ หื้อนับผ้าเหลือง บ่นับต๋อเฟือง หื้อนับลีบข้าว
. ครูบาอาจ๋ารย์ โบราณเก๊าเหง้า เพิ่นสอนหื้อเฮา อย่าละ ถ้ามีกำอด จักได้เป๋นพระ ต๋นแกว่นกล้า บุญเรือง
. อยู่รวมมิตรแต๊ ระวังปู๋นเปื๋อง คำร้ายขัดเคือง เว้นเสียอย่าอู้ ต่อมิตรสหาย เจ้านายทุกผู้ เพิ่นจักอินดู หลานน้อย
. คนมีวาจ๋า กิริยาเรียบร้อย เหมือนมีเสน่ห์ห้อย คล้องคอ กันว่าจักมัด อย่ามัดเชือกป๋อ กำปากกำคอ มัดกั๋นก็ได้
. บ่ว่าไผไหน ตกเหนือออกใต้ ควรดีเยื้อใย ผูกมิตร หลานอยู่คนเดียว หื้อระวังความคิด หลานอยู่ร่วมมิตร หื้อระวังวาจ๋า
แหล่นายเหย.