. กิ่วภูกิ่วคอย กิ่วรอยป่าไม้ กิ่วสูงต่ำได้ กิ่วไผฮู้หัน กิ่วคนมนุษย์ กิ่วก๋รรมต่างกั้น กิ่วไผกิ๋วมัน เผียบกั้นบ่ได้
. เหมือนปล๋ายเฮียวบง พ่องลงต่ำใต้ พ่องสูงขึ้นไป ชี้ฟ้า กิ่วมีเหมือนกั๋น อย่าขันต่อต๊า แข่งวาสนาบ่ได้ เนอนาย
. กิ่วคอยนั้นแต๊ ฮู้หันต๋ามสาย กิ่วคนญิง จาย ฮู้หันไปหน้า หันเพิ่นตุกข์จ๋น ป้อมป๋นฝุ่นหญ้า อย่าย่ำเหยียบนา แม้น้อย
. ตกต่าเพิ่นใคร่หัว ตกต่าตั๋วต่ำก๊อย ช่างมักโศกสร้อย ทีลูน อย่าข้ามคนล้ม อย่าข่มคนสูญ อันบาปและบุญ ใผทำใผได้
. หาเลือดกับปู๋ ดูกื๊ดยากใบ้ มีใผจานอ อ่านคิด อี่ปู่สอนหลาน ตำนานชีวิต หื้อคิดถี่แจ้ง ตวยไป
. หนีจากพ่อแม่แล้ว เจ้าจักไปพึ่งไผ อย่าหนีเสียไฟ ไปเป่าหิ่งห้อย