ฟังกำประวอนอุทาหรณ์พี่น้องจุมเดียวเกี่ยวข้องขะกู๋ลวงสาพี่พี่น้องน้องขึ้นสู่ลงหาไปไปมามาแอ่วหาต่องเต้าต๋ามออกกำสอนองค์พุทธเจ้าย่อมมีบุญคุณเท่าฟ้ากันผิดเถียงกั๋นกูมึงตอบต๊าจ๋าปากกล้าคือเวรอยู่บ่วุฒิมักเจ็บมักเป๋นส่วนความชุ่มเย็นก่หาบ่ได้ฮิข้าวหาของเงินทองฮ้อนไหม้ฉิบหายตวยไปคู่เจื๊อเพราะเทวะดาจักมาฟักเฟื้อก็หาบ่ได้สักองค์มีแต่เผตยักษ์โพงพรายผีโหงจักมาซุกซงบันดลฮ้อนไหม้บึ๊ดเจ็บบึ๊ดเป๋นบึ๊ดเมื่อยบึ๊ดไข้เพราะผีพงไพรลากจั๊กถ้าเฮาเว้นเสียก่หน้าดีฮักสมานฉันท์ร่วมด้วยเปิงกวรคนอื่นนอกเจื๊อเครือแต๋งนอกสวนจิตใจ๋งามนวลสักเท่าปล๋ายก้อยส่วนพี่น้องกั๊นหันกั๊นแต่หน้อยควรเหลียวแลกอยอย่าทิ้งแหล่นายเหย
ปู่สอนหลาน · ลำดับ 045