ปู่สอนหลาน ภาคที่ 51

ใคร่ร่ำใคร่รวยหื้อหมั่นไปโต้งไปนาใคร่เป๋นหนี้เป๋นข้าหื้อหมั่นเข้าในเวียงเจื้อกำอี่ปู่เต๊อะหลานอย่าไปเถียงหลานเข้าในเวียงซื้อแผวตี้เยี่ยวตี้ขี้บ่ใช่อี่ปู่ฮู้สัปปะหลี้มันหากตึงมีอย่างนั้นยุคน้ำมันแปงค่ารถขึ้นซั้นของแปงเข้าขั้นหากมีมาอยู่บ้านนอกนั้นเซาะปู๋เซาะปล๋ากล๋างโต้งกลางนาอาหารมีหั้นหัวไร่ปล๋ายนาหน่อบงยาวสั้นผักแคบผักเข้าผักมันยังมีสัปป๊ะหลานเข้าในเวียงซื้อน้ำดื่มขวดละแผวสิบบาทหั้นเนอนายทุกอย่างต้องซื้อเขาเอามาขายเอามาตั้งเรียงรายวันค่ำจ๋นแจ้งอยู่บ้านนอกเฮาบ่นาวบ่เขื้อแจ้บ่แควงขอกั๋นกิ๋นได้ยังมีคนบ้านเฮานั้นเต๋มไม่ใช่เศรษฐีน้ำใจ๋เพิ่นดีเหมือนกั๋นทุกบ้านน้ำใจเพิ่นดีเหมือนกั๋นทุกคนแหล่นายเหย