ปล๋าตั๋วหลวงช่างต๋ายน้ำตื้นเพราะหลงเมาวืนเจ้นล้ำหลงตางก๋าเมโรคเอดส์เตซ้ำจ๊ำใจ๋บ่หน้อยเนอนายโบราณว่าไว้เยียะไฮ่นาขวายช่างเสียแฮงควายบ่มูลมั่งข้าวต้นไม้ใหญ่หลวงในก๋วงแต๊เจ้านกหนูไหน่นอนบ่อนพักคนยศใหญ่หลวงในก๋วงมีนักไร้หลักยึดข้อศีลธรรมพ่องใหญ่เพราะกิ๋นข้าวเฒ่าเพราะสะหลำใจ๋หลงมืดดำไผเตื๋อนบ่ได้วัดบ่หุมเข้าพระเจ้าบ่หุมไหว้คือคนก๋วงในมุบมู้เป๋นน้อยล่วงกำคานเป๋นหนานล่วงกำฮู้ (คาน=คำสาบาน) อ้างว่าอยู่วัดมาเมินศีลธรรมบ่นับสินทรัพย์ขาดเขินไม้ลำบ่เจือนเผิ้งเกาะบ่ได้เปรียบไม้แก๋นก๋วงปล๋าหลวงต๋ายใบ้น้ำตื้นมันไปเชื่อมชิดน้ำลึกบ่ลอยชอบลอยวิ่งวิดเหมือนปล๋าตั๋วหน้อยซิวไฮปล๋าตั๋วหลวงแต๊แต๊นอนขาบน้ำไหลช่างหุมถูกไซต๋ายกับน้ำตื้นแหล่นายเหย
ปู่สอนหลาน · ลำดับ 052