เกิดมาชาตินี้ มีวาสนา พบศาสดา คำสอนพระเจ้า พบวัฒนธรรม ฮีตฮอยแบบเบ้า ของล้านนาเฮา สัปป๊ะ ของใหม่ดีควรเอา ของเก่าบ่ควรละ ประยุกต์สู่สร้าง สังคม ฮู้จักก๋าละ บุคคลเหมาะสม คันอ้อหลู้ลม บ่หักสะบั้น ไม้ใหญ่ในแข็ง ลมแรงพัดหั้น ช่างหักโค่นลม ก็นัก เผียบเยาวชน ลูกหลานตี้ฮัก ฮู้อ่อนผ่อนหลู้ คำหวาน ก่อยโลมก่อยเป๊า สั่งลูกสอนหลาน ฮู้อ่อนผ่อนยาน ฮู้ใช้ก๋ารได้ หักด้ามพร้าด้วยเข่า ช่างเจ็บแสบไหม้ คนหักบรรลัย ก็นัก โจ๋รองคุลีมาล ร้ายกาจแต๊ตั๊ก ยังกลับก๋ายได้ ทำดี เพียงพบธรรมะ พระชินศรี เป๋นดั่งมุนี ตี้งามผ่องแผ้ว วิสัยทัศน์งาม เผียบเหมือนดวงแก้ว หื้อมืนต๋ากว้าง ผ่อตางยาว แหล่นายเหย.
ปู่สอนหลาน · ลำดับ 062