แป๋งดีไว้หื้อลูก แป๋งถูกไว้หื้อหลาน ทำบุญสุนทร์ตาน ถือศีลเป่งป้อย ลูกหลานเขาหัน สำคัญบ่หน้อย เขาจักตวยฮอย ท่านได้ ข้ามน้ำผ่อคน ไปก่อนจ๋ำไว้ น้ำไหนลึกตื้น กอยแยง เลี้ยงชีพสุจริต พิษภัยบ่แฝง เหมือนแป๋งหนตาง หื้อลูกหลานไต่เต้า ตั๋วอย่างตี้ดี มีวัฒนธรรมแบบเบ้า ยิ่งกว่ากำสอน ใดใดในโลกนี้ อี่ปู่สอนหลาน ไขขานบอกจี คติสู่สร้าง สังคม ตั๋วอย่างเลิศล้ำ ทำตั๋วเหมาะสม ลูกหลานนิยม ยึดเป็นแบบเบ้า สุจริตธรรม คำสอนพระพุทธเจ้า จุ่งน้อมนำเอา ประพฤติ หลักก๋ารครองเรือน มีตี้เหนี่ยวยึด คารวะธรรมหั้น กตัญญู ชาติ ศาสน์ กษัตริย์นั้น สำคัญเลิศหรู ยึดธรรมสัพพัญญู พระสัมมาสัมพุทธเจ้า แหล่นายเหย.
ปู่สอนหลาน · ลำดับ 063