อย่าไปหันขี้ นั้นดีกว่าไส้ บ้านเดียวเสี่ยวใกล้ บ่ใคร่แลเหลียว คนต่างจ้าติเจื๊อ ฟังเอื้อกล๋มเกลี๋ยว หันคนจ๊าติเดียว
เป๋นขยะหยากเหยื่อ คนบ้านเดียวกั๋น นั้นบ่ใคร่เอื้อ หมิ่นแคลนวงศ์เครือ ขว้างทิ้ง หน่อขุ่นบ่กิ๋น กินหน่อเฮียวจิ๊ง
เอาแก๋งอ่อมต้ม ภุญจา บ้านเดียวละไว้ บ่ใคร่สู่หา หันของใหม่มา ปาใจ๋หลิ่งหลู้ ขี้ใหม่หมาหอม หลงตอมชอบสู้
น้ำใหม่มาจู ปล๋ารับ คนบ้านเดียวกั๋น บ่ยำบ่นับ เหมือนขยะหยากเหยื่อ ตูมไป ต่างชาติต่างค้าย บ่ฮู้จักใจ๋ ร้ายใดดีใด
ฮู้ไจ๋บ่เสี้ยง บ้านเดียวเสเสือน เหมือนเหล็กขี้เหมี้ยง บ่ใคร่มาเคียง เนื่องนับ เก่าเปิ้นใหม่ตั๋ว เมามัวต้อนรับ เสียเอดส์ก๊าบย้ำ
วายลง คนจู๋งเข้าป่าช้า บ้านเดียวตังโขง บ้านอื่นตางซง เขาบ่มาใกล้ ยามเจ็บป่วยเป๋น หนาวเย็นเมื่อไข้ บ้านเดียวมาไจ บ่ละ
คนบ้านเดียวกั๋น อย่าขี้เหลียดจ๊ะ อย่าหันขี้-ดีกว่าไส้ เหล่านายเหย