ขอนชะราเฮา เล่ามาแถมแล้ว ตำนานดวงแก้ว พระศรีอริยเมตไต๋ย์ แผ่นดินจะราบเรียบ ระเบียบสดใส เผียบหน้ากล๋องไจ๋ย์
ทุกหนแห่งหั้นบ่อน้ำจะจ๋ม บ่หินจะฟูอั้น จักมีตวยตัน ผ่อเต๊อะ งูจักกิ๋นน้ำบ่อ ผ่อไปหันปะเลอะ คือท่อประปาหั้น เนอนาย
สายใยก๋ำปุ้ง จักผ่านเป๋นสาย คือว่าสายไฟ แรงสูง-ต่ำหั้น ตางมีบ่มีคนเดิน เจริญเตี่ยงหมั้น ขี่รถขี่ราง สัปป๊ะ
คนจักขี่ลม เหาะไปเมฆะ ยางรถสูบด้วย แรงลม เครื่องบินบนฟ้า ป๋อมฟ้าป๋อมฝน เรือเหาะด้วยยนต์ ป๋อมฝนป๋อมฟ้า
ก้อยผ่อเต๊อะนาย ต่อไปปายหน้า หู-ตาทิพย์มีมา ทั่วแคว้น โทรทัศน์-โทรศัพท์ หู-ต๋าทิพย์แม้น ก็เกิดมีได้ โลกา
บทนี้ยอนยั้ง จอดจั้งก่อนหนา ขอนเฒ่าชะรา ยังมีเห็ดเหลือหน้อย