เจิญเต๊อะเพื่อนพ้อง พี่น้องตังหลาย ตังหญิงตังจาย หนุ่มแลวแถ่วเฒ่า ต๋ามออกในธรรม องค์พุทธเจ้า สอนหื้อชาวเรา เปิ่งป๊ะ
ร่มไม้ศะหรี ตี้คารวะ อาศัยกิ่งก้าน ลำบน ร่มเงาคุ้มลับ ร้อนแดดหนาวฝน พ่อแม่ของคน ยิ่งเหลือพระเจ้า
เป๋นบุญกุศล มงคลแก้วเก้า เป๋นฉัตรบังเงา แม่นตั๊ด บุญกิ๋นบุญตาน ตี้ทำในวัด ยังบ่เผียบได้ คุณครอง
คนเราลุ่มฟ้า บ่มีปอสอง เอามาเผียบตรอง เหมือนพ่อแม่ได้ พระเจ้าคิ่นตั๋ว แม่นยังบ่ไหว้ บ่มีสิ่งใด เผียบเต๊ะ
พระเจ้าเพิ่นกา เอามาอ่านเละ หันจักถูกต้อง ฉันใด เหมือนเต้งไข่มด ตกน้ำวังใส ก็เป็นเหยื่อใย ปล๋าตั๋วใหญ่หน้อย
พ่อแม่ของต๋น แม่นว่าต่ำต้อย คุณสูงเลิศลอย ยิ่งฟ้า เหล่านายเหย