ศิษย์ต่างครู อาจ๋ารย์ต่างวัด ความฮู้แน่ชัด อาจผิดแผกกั๋น แต่ละสำนัก มีหลักคำขวัญ ของไผของมัน สอนศิษย์สู่สร้าง
ครูบาอาจ๋ารย์ ความฮู้มากกว้าง ฮ่อมไผฮ่อมมัน เนอไท้ ฮ่อมหนูหนูไต่ ฮ่อมไหน่ ไหน่เตียวไม้ อันหนังสือก้อม ต่างคนต่างมี
นักปราชญ์แน่ซั้น ต่างกั๋นดีหลี ชีวิตอินทรีย์ วิถีต่องเต้า นั้นผิดแผดกั๋น พระศาสดาเจ้า ต่างกำสอนเอา ลัทธิ
พี่น้องเดียวกั๋น ต่างคนต่างฮิ ยังบ่เสมอกั๋นได้ ฐานันดร์ ไม้เล่มเดียวต่างปล้อง พี่กับน้องต่างกั๋น เป๋นธรรมดาอัน โลกนี้เนอเจ้า
ต่างจิตต่างใจ๋ วัยหนุ่มวัยเฒ่า แม้ตั๋วเองเฮา ต่างคิด วัยหนุ่มคิดบ่ยาว วัยเฒ่าฮู้ช่างพินิจ เผียบหนามปล๋ายมุ้ม บ่แซว
เวลาปักเนื้อ เจ็บปวดเถือกแถว อันหนามหนุ่มแซว ปักบ่เจ็บเมินได้