หลายเหยหลาน ปู่หลับฝันน่าคิด ฝันปะงูปิ๊บ ตั๋วใหญ่ตั๋วหลวง งูเลื้อยออกไม้ ต้นใหญ่ในกล๋วง แผ่พังพานพวง อ้าปากยี่เขี้ยว
อี่ปู่ตกใจ๋ นอนบิดนอนเบี้ยว สะคุ้งกำเดียว ตื่นต๊วง ฝันหันปะงู ดูประหลาดล้วง เปิ้นว่าตกบ้วง ฮักแปง
อี่ปู่แก่แล้ว ฝันเหมือนผีแป๋ง จักมีแก้มแดง ตี้ไหนมาข้อง เป๋นหม้ายมาเมิน นอนหนาวหล้องหง้อง บ่มีไผจอง ฝากฮัก
ก็...มีเหมือนกั๋น มาเอิ้นปากตั๊ก ขอแปงขอใกล้ เจยจม สะเลียมบ่แคว้ง เจื๊อจ้าติมันขม คนจักนิยม ก็มีส่วนหน้อย
ตี้...เปิ้นขอแฝง ขอแปงขอห้อย ปู่กลั๋วคำมอย เอดส์ย้ำ เส้นผมตั้ง-เตี่ยวหลวม เบื่อเหยืองข้าวน้ำ กลั๋วยกช้อนบ่ขึ้น อึดคราง
เป๋นหม้ายจ๊าตินี้ บ่มีไผขาง หยุบสวะหยุบวาง กลั๋วเอดส์มาป้อ แหล่นายเหย