ตี้ใดมีฮัก ตี้นั้นมีตุ๊กข์ ตี้ใดมีกิ๊ก ตี้นั้นมีก่อก๋รรม คนมีกิ๊กนั้น นับว่าสะหลำ เสียมันได้ว่า ไปว่าบ่ฮู้ ชอบเข้าผับ-บาร์ ปากั๋นชอบสู้ คล้ายเปรตมือชู ดิ้ต๊วง เหล้าเบียร์ปาไป ไหนถูกควักล้วง เหมือนนกถูกบ่วง นายพราน พ่องเสียเงินแล้ว ยังปาเสียก๋าร เสียตั๋วป๊ะปาน พ่องมานลูกเต้า รีดลูกป่วยเป๋น อยู่โฮงยาเนอเจ้า พ่องฆ่ากั๋นเมา ยื้อแย่งคนฮัก บ้านเมืองสมัย มีไปมากนัก สิ่งแวดล้อมยุยั่ว หลงตาง พ่องหลงเมากิ๊ก ฮักบ่จืดจาง หู-ต๋ามัวฟาง ละยาวเอาสั้น สนุกมีไหน โศกตุ๊กข์มีหั้น พ่องก็ดึงดัน แต้เล้า ชิงสุกก่อนห่าม ลามปามแต่เช้า น้ำต๋าเช็ดหัวเข่า อนาคตดับลง
ปู่สอนหลาน · ลำดับ 076