“หม้อบ่ฮ้อน บ่เป๋นแต่ไห มันเป๋นแต่ไฟ ตี้ลนก้นหม้อ” เลี้ยงลูกผิดไป หลายบั้งหลายข้อ ยังจ๋าเออนอ ปากป๊อง ลูกตั๋วบ่ดี โตษพี่โตษน้อง ว่า...มาเกี่ยวข้อง พาไป ก้นหม้อบ่ฮ้อน บ่ใช่เป็นแต่ไห หากเป๋นแต่ไฟ บ่ลนก้นหม้อ ลูกร้ายเปียงใด หลายบั้งหลายข้อ หลงผิดเออนอ ปากป๊อง ลูกตั๋วเป็นโจ๋ร จิใส่เพื่อนพ้อง ว่า...เขาหมู่นั้น พาลา หลงฮักลูกนั้น เปียงแก้วแก่นต๋า เบื้องหลังลูกนา ติดยาฝิ่นเหล้า ฮักลูกปกแป๋ง เหมือนแสงแก้วเข้า ยกย่องลูกเอา เลิศลิบ เลี้ยงลูกอย่างเตวะดา เตปาเตปติ๊บ สุดท้ายน้ำต๋า อาบหน้ายวาปัง กฎหมายจับยับ ใส่คุกคอกขัง เซาะจ้างคนยัง ไปแตนว่าอี้ โตษเวรโตษก๋รรม ป๋างหลังก่อนกี้ สุดท้าย...ไฟโมหะนี้ เผาไหม้ตั๋วเอง แหล่นายเหย.
ปู่สอนหลาน · ลำดับ 085