เยียะก๋ารหยัง หื้อเยียะแต๊แต๊ เยียะล้อแล้ มันบ่กุ้มกิ๋น เงินคำตกน้ำ บ่ห่อนเป็นหิน เม็ดข้าวตกดิน บ่ห่อนเป๋นหญ้า นกบ่บิน อย่าเขิงปีกมันอ้า งัว-ควายบ่กิ๋นหญ้า อย่าฟั่งเต็กเขามันลง อย่าเก็บถุงเฮี่ย อย่าเปี๋ยหมาหลง แถมลูกเสือในดง แถมลูกจระเข้ คนเลี้ยงใหญ่มา บ่าแฮงถ่าเถ้ มันช่างหุมเต เมื่อซ้อย พ่องเลี้ยงมันมา แบเบาะแต่น้อย กล๋ายเป๋นบาดแบ้ว ปายลูน กล๋ายเป๋นเผตยักษ์ เตวะตั๊ดสูน เลี้ยงหวังเปิ่งบุญ ป้อยมาค่ำฆ่า ใหญ่มาออกลาย ฮ้ายดุสวกกล้า ช่างเป๋นภัยยา เตื่อมเคราะห์ ลูกเสือเลือดเสือ ต๋ามเจื๊อมันเนาะ ลูกจระเข้เลือดจระเข้ พาลา ขอหื้อมนุษย์ สุชนศึกษา ตั๋วอย่างมีมา ล้วนหนามขวากเสี้ยง โบราณไขจ๋า ช่างปากหมองเหมี้ยง เก็บเอาลูกไผ บ่ฮู้มาเลี้ยง ฮ้ายเหลือเก็บเอา ซากขี้เหมี้ยง เพิ่นมาอม แหล่นายเหย.
ปู่สอนหลาน · ลำดับ 084