ไก่บ้านเมืองใด เขี่ยไปตางหน้า บ่หันมีมา อยู่ในโลกนี้ เขี่ยเข้าโฮ้งตั๋ว บัวราณกล่าวจี๊ คนสัปปะหลี้ จ่างจุวายวำ
หาเมืองปอนั้น บ่มีหนาหนำ หันเงินหน้าดำ หันคำหน้าเส้า ไก่ทุกทุกตั๋ว มันหากเขี่ยเข้า โฮ้งตัวเก่ามัน นั้นแน่นอน
กำฟู่เก่งแต๊ อย่างกับผีสอน หยื้อผ่อตื้นอน อย่างกับมุ้งกระต่าย กำปากอู้ล่าย เป๋นน้ำเป๋นธรรม ตี้แต๊ใจ๋มันดำ อย่างกับหมิ่นหม้อ
ไม้ใหญ่ในแข็ง แข่งกับต้นอ้อ ลมหลวงตื๋นอ ก็หักโก้นก๊าง กิ่วหื้อกิ่วคองู อูหื้ออูดคอจ๊าง เปื้อช่วยกึ๊ดสร้าง บ้านเมือง
ไม้ฮากบ่เล็ก กิ่งก้านยาวเกิ๋น ตั้งอยู่บ่เมิน ลมปั๊ดช่างเสิ้ง ไม้ลำบ่เจือน แม่แต๋นต่อเผิ้ง บ่มาแป๋งฮัง อยู่พัก
อันของกิ๋นลำ อยู่ตี้ผู้มัก อันเรื่องความฮัก อยู่ตี้ความพอใจ๋ มอดบ้านเมืองนั้น หื้อหนีเสียไกล๋ บ่มีไก่ตั๋วใด เขี่ยไปตางหน้า
แหล่งนายเหย.