ปริศนาธรรมะ ปู่จะเล่าปั๋น ปัญหาสำคัญ นั้นมีสี่ข้อ คือ “สี่คนหาม” “สามคนแห่” ป้อ “หนึ่งคนนั่งแค่” นอ เป๋นนายจ่ายใจ๊ “สองคนปาไป”
เข้าดงป่าไม้ มีทางแว่ได้ สองทาง ขอเฉลยไว้ ปู่ได้สะสาง “สี่คนหาม” วาง คือ “ธาตุสี่” เจ้า ดิน, น้ำ, ลม, ไฟ ได้รวมกั๋นเข้า
เป็นร่างกายเรา นี้และ “สามคนแห่” นอ ปู่ขอบอกแนะ “กฎไตรลักษณ์” ได้ ทุกคน สามอย่างแห่นั้น มันมีทุกหน บ่ว่าสัตว์-คน
จุมปูโลกใต้ พบ “อนิจจั๋ง” บ่หมั้นเตี่ยงได้ เกิดขึ้น-ดับไป ทุกทิศ “ทุกขัง” แต๊เหย ลงเอยชีวิต เจ็บเป๋นเมื่อไข้ ต๋ายลง
เต๋มมีเงินล้าน ทั่วทุกแขวงโขง เวลาต๋ายลง เอาไปบ่ได้ เป๋น “อนัตต๋า” ธรรมดาแต๊ไสร้ ทรัพย์สินอันใด เปล่าว้าง
“หนึ่งคนนั่งแค่” แห่เหมือนเจ้าจ๊าง คือ “ใจ๋” กึ๊ดสร้าง นำไป คนดี-คนร้าย มันอยู่ตี้ใจ๋ เมตต๋า-จั๋งไร ร้าย-ดีทุกห้อง
“สองคนพาไป” “บาป-บุญ” ตี้ข้อง เจ๋ตะนาตี้ทำ ก่อนนั้น – แหล่งนายเหย.