อย่าตัดต้นไม้ ให้ร่มแก่ต๋น
อย่าทำร้ายคน ที่เหื้อกิ๋นข้าว
โบราณก๋าล เจ้นเหมาะหม่อนเฒ่า
เปิ้นสอนหื้อเฮา ทราบไว้
ถ้วยปากช้อนไห ใส่แก๋งกินใช้
อย่าบุบแตกบ้าง เภตา
อย่าไล่สัตว์เลี้ยง ออกจากเคหา
คนมีบุญณา ตึงดีเสี้ยงดถ้วน
อย่าอู้ล้ำตั๋ว ใครหัวล้ำบ้าน
เปิ้นว่าสาธารณ์ ถ่อยจ๊า
อย่าได้ตี๋กล๋อง แข่งยังเสียงฟ้า
ขี่ม้าแข่งอั้น สุริโย
ลูกแปงลูกรัก มากมายอักโข
บ่มีกุณโณ เกิดมาเปื๋องกล้วย
ลูกหญิงก็ตาย ลูกชายก็ด้วย
บ่เป็นคุณตวย เจ้นล้ำ
เปรียบเหมือนดั่งปล๋า มาลืมคุณน้ำ
โยนตั๋ววิ่งขึ้น เกาะทราย
ฟังกำไว้เต๊อะ ลูกหลานตังหลาย
ตังญิงตังจาย ตังหนุ่มตังเฒ่า
คุณพ่อแม่ตั๋ว ยิ่งเหลือพระเจ้า
สิบซาวองค์ หมื่นวัด - แหล่นายเหย.