. พี่กั๋นน้องกั๋น ฮักกั๋นเอาไว้ อย่าตัดขาดก้อม สินเปียง ถ้าพี่ว่าแล้ว น้องอย่าไปเถียง ตัดก้อมสินเปียง ได้หยังพ่องเจ้า
. ทุกคนเกิดมา บ่เมินก็เฒ่า หนีความต๋ายไป บ่ป๊น อย่าทำบาปก๋รรม หื้อมันล้ำล้น ก๋รรมช่างตอบส้าย ทันเอา
. พี่พี่น้องน้อง อย่าถือเราเขา จะพาเอาเฮา หมางใจ๋เปล่าจ้อย พี่กั๋นน้องกั้น อยู่กั๋นแต่หน้อย อย่าถือมลทิน ขุ่นจ๊ำ
. พี่น้องผิดกั๋น เหมือนพร้าฟันน้ำ ฟันแล้วก็อั้น หายรอย กันว่าน้องล้ำ ผิดนิดผิดหนอย เป๋นพี่กวรพลอย อภัยโทษหื้อ
. ยามป่วยเจ็บเป๋น ไผจะมาหยื้อ บ่เหมือนวงศ์เดียว พี่น้อง คนอื่นคนใกล๋ มาเสาะมาซ้อง มีต๋าผ่ออั้น หันดาย
. บ่เหมือนพี่น้อง ช่วยกั๋นหลวงหลาย ยามบ่สบาย ช่วยกั้นผ่อเฝ้า พ่องปั๋นแผวเงิน พ่องปั๋นแผวข้าว ช่วยกั้นหยูกยา สัพป๊ะ แหล่นายเหย