แมงมายเม่าน้อย บินลอยกลางหาว ยังป๋าวตกลง เข้าต้องอึ่งปุ้ม ควันไฟในก๋อง ไผจักห่อกุ้ม เหมือนเอาใบบัว ห่อจ๊าง ถ้าบ่นักแก ล้นแตเหลือต๊าง ไผบ่กล่าวอ้าง จ๋าเติง ไผดีไผฮ้าย เขาช่างจ๋าเถิง เหมือนกั๋นควายเลิง มัดเจือกเส้นหน้อย คนมีความผิด แป๋งหน้าโศกสร้อย ช่างหุมมีรอย ขุ่นจ้ำ ความลับบ่มี ในโลกเพิ่นย้ำ ช่างหันเงื่อนส้น ตวยมา คบแฮ้งเป๋นแฮ้ง คบก๋าเป๋นก๋า คบคบพาลา คำพระท่านห้าม เพิ่นว่าบ่ดี ก็อย่ามองข้าม ควรพิจารณา คบมิตร คนไร้ “ ปัญญา ” “ อ่องออ ” – น้อยนิด หันผิดเป๋นชอบ เนอนาย เพิ่นชวนไปรับน้อง เหมือนจวนไปต๋าย รุ่นพี่วุ่นวาย มอมเบียร์มอมเหล้า อนาคตดับหาย ต๋ายตวยแถมเจ้า ข่าวออก ที.วี. มากนัก อี่ปู่ฮักหลาน สอนหลานด้วยฮัก ตั๋วเก่าฮักตั๋วเก่าหั้น ปลอดภัย - แหล่นายเหย.
ปู่สอนหลาน · ลำดับ 057