ไม้สูงกว่าไม้ หักเปื้อลมฝน คนสูงกว่าคน ก๊านภัยต๋นหั้น กึ๊ดก๋ารอันใด อย่าไปกึ๊ดสั้น หื้อหันตางยาว อนาคต สิ่งใดบ่ดี หื้อหลานรีบงด อย่าได้ไต่เต้า ตวยพาล อสรพิษ อย่าคิดสงสาร เว้นไกล๋ประมาณ แสนโยชน์ก่อนกี้ คนมีเล่ห์เจิง จ้างสัปปะหลี้ คนหนึ่งคนดี เรียบร้อย เล่ห์ก๋ลลายเจิง ของตั๋วมีน้อย บ่ตันเหลี่ยมถ้อย คนเจิง เหมือนข้าวเม็ดน้อย ฮู้ลอดต๋าเหิง เหมือนกั๋นควายเลิง มัดเชือกเส้นหน้อย เหมือนกับน้ำต๋าล หวานเหลือน้ำอ้อย อู้กำหวานคอย สุ่ยยุ หลานกึ๊ดก๋ารสัง หื้อมันทะลุ มุ่งมุไต่เต้า เพียรทำ คนอวดตั๋วนัก จ้างมักถลำ ไม้สูงหนึ่งลำ จ้างหักสะบั้น หื้อกึ๊ดไปยาว อย่าสาวเอาสั้น จักได้สบาย เตี่ยงเต้า – แหล่นายเหย.
ปู่สอนหลาน · ลำดับ 058