จะสุขจะตุ๊กข์ ย่อมแล้วแต่ก๋รรม กุศลบุญนำ ก๋รรมตั๋วได้สร้าง หากวาสนา นาบุญยังกว้าง จักสุขเจยบาน จุ้มเนื้อ สมปรารถนา กู้อันกู้เจื๊อ ทรัพย์ไหลหลั่งเข้า เนืองนอง สุขกับตุ๊กข์ เป๋นกู้ปอสอง เงินกับทอง เป๋นของจื้นหน้า ทรายกับหิน ดินกับฝุ่นหญ้า บ่มีเลยนา เปล่าว้าง เขากับงัวควาย พลายกับงาจ๊าง จักสมดั่งอ้าง สีดอ ปินเตารากไม้ เวทย์มนตร์กับหมอ บาปนอบุญนอ หนีกั๋นบ่ได้ อัคคีไฟ เป็นของฮ้อนไหม้ จักหนีมันไป บ่พ้น จักมีไผไหน มีบุญล้ำล้น ยิ่งเหลือกว่าเจ้า โพธิญาณ แม้นองค์พุทธะ ยังละสังขาร เข้าสู่นิพพาน เมืองหลวงแก้วกว้าง จักมีไผไหน ผู้ใดอาจอ้าง อยู่ยั่งยืนนาน ค้ำฟ้า แหล่นายเหย.
ปู่สอนหลาน · ลำดับ 065