ค่อยอยู่ต๋ามน้ำ ทำไปต๋ามตั๋ว น้ำเปียงใด ดอกบัวเปียงอั้น เหมือนนกกระเต๋น ปีกบางหางสั้น หากิ๋นไปวัน ต๋ามน้ำ หากว่าชะต๋า หน้าบุญช่วยก๊ำ ย่อมถึงฝั่งกล้ำ ตางดี หล้างเตื่ออี่ปู่นั้น สอนหลานเป๋นปี๋ ก็ซ้ำบางที หลานสอนปู่เฒ่า กิ่วภ-กิ่วดอย ผ่อหันเน้อเจ้า บ่เหมือนกิ่วเฮา ต่ำจ๊า แข่งขันตั๋วเอง เก่งก๋ารฮิก๊า ปั๋ญญาเข้มกล้า กอยตรอง หันเปิ้นไร้ทรัพย์ อับจ๋นข้าวของ ควรช่วยแลมอง ประมาทบ่ได้ จิ๊กปิ๊กแป๋ดอย นั้นอยู่ลุ่มใต้ ปื๊นตื๋นคนเพียร นั่นแล อดได้เป๋นยา มีผะหญ๋าจักแป๊ เฮียนผูกเฮียนแก้ เป๋นดี แม่นเป๋นเจ้าจ๊าง มหาเศรษฐี ชื่อเสียงบ่ดี ไผบ่อวดอ้าง หากเป๋นคนดี ผีต๋ายกระด้าง คนยังนิยม เล่าไว้ แหล่นายเหย.
ปู่สอนหลาน · ลำดับ 078