หลานอยู่บ้านใด หื้อเอาไฟบ้านนั้น กำบ่าเก่าสั้นสั้น แต่มากความหมาย ขี่เฮืออย่าทำเงือก มัดเชือกป๋อหวาย ล้อมรั้วอย่าท้าควาย ตี๋ฝายอย่าทำน้ำ เข้าป่าอย่าท้าเสือ เชื่อใจ๋คนนักล้ำ เป๋นตุ๊กข์เมื่อหล้า หลายแนว งูกับเขียดน้อย ไก่หน้อยกับแหลว อันหนูกับแมว ทำกั๋นบ่ได้ กล้วยก๊ำง่ามยัง ง่ามก๊ำกล้วยใต้ อาศัยกั๋นไป ชุมื้อ ซื้อเมื่อเพิ่นใคร่ขาย ขายเมื่อเพิ่นไคร่ซื้อ สมค่าหมื่นตื้อ ยาวโย ซื้อแปงกิ๋นตึงดูก ซื้อถูกปล๋ายแถมโหล บ่เป๋นกุโณ สืบเจื๊อไปหน้า ไก่งามย้อนขน คนงามย้อนเสื้อผ้า เจ้าพระยางาม เพื่อยศ ไม้แป๋งปื้น อย่าเอาด้ามก๊ด ยิงบ่ต้อง จับแน่ ห้างงัวตั๋วเก๊า หื้อเอาตั๋วแห แป๋งพวงเฮือแป อย่าเอากาบกล้วย มังกรต่างถิ่น หรือจะสู้ด้วย งูดินเจ้าบ้าน แหล่นายเหย.
ปู่สอนหลาน · ลำดับ 079