สาเหตุความฮัก ช่างมักใจ๋ไหว เหมือนหางตุงไจย์ ปอยหลวง-เพิ่นสร้าง มักปักแขวนสูง พยุงยกก๊าง ต๋ามริมโต้งกว้าง ตางยาว แมงมายเม่าน้อย บินลอยกล๋างหาว ยังป๋าวตกลง เข้าต๊องอึ่งปุ้ม ควันไฟในก๋อง ไผจักห่อกุ้ม บ่เหมือนผักแค เมื่อแล้ง ฝั้นเชือกสามเกลี๋ยว หมายเกลี้ยวว้องแว้ง กลั๋วหลุดจากเบื้อง มือไป เสียเงินหมื่นล้าน บ่เท่าเสียใจ๋ เสียนอกเสียใจ๋ เสียใจ๋เข้าปิ้ง ครอกอยู่แป๋ดอย เสียมันได้กลิ้ง มันตกลงไป ตี้ลึก เจ้นอนันต์ต๋า บ่มีตี้ตึ๊ก จิ๊กถูลากขึ้น เอาไป เหมือนแก้วแตกร้าว ยากนักไฉน ประสานคืนไป เหมือนเดิมเก่าต้น ก๋รรมอันใด เกยได้ล่วงป้น ขอพ้นมลทิน เติ๊กค้าง ถ้าได้เมียดี เหมือนมีเจ้าจ๊าง แม่พระ-คู่ข้าง เนอนาย ผัวเผต-เมียยักษ์ ก็จักฉิบหาย ปู๋นน่าดีอาย พี่น้องจาวบ้าน
ปู่สอนหลาน · ลำดับ 080