ความฮู้ท่วมหัว เอาตั๋วบ่กุ้ม เป๋นหมู่เป๋นจุม มากนัก ละอ่อนสมัย กล๋ายเป๋นขี้ลัก เป๋นโจรปล้นฆ่า เอาครัว สร้อยทองสร้อยเก๊ ของมันฆ่าตั๋ว อย่าเอาพันพัว อันตรายเนอเจ้า หันมาจ้าดหลาย ญิงจายหนุ่มเฒ่า เขาลู่ชิงเอา สัปป๊ะ โทรศัพท์มือถือ บ่เว้นเลยละ เขาลู่จี้ปล้น ชิงเอา เงินทองเล็กน้อย อยู่ในกระเป๋า กระชากชิงเอา ซิ่งหนีไปจ้อย ละอ่อนสมัย เป็นโจ๋รยามหน้อย พ่อแม่ผ่อกอย ข่ามเลี้ยง ใหญ่มาเป๋นคน กล๋ายเป๋นมอดเพี้ยง บ่น่าฮักเหมือนนกแล นกเอี้ยงสกุณา ร้องเพลงม่วนเพราะ เสนาะหูต๋า เป๋นคนพันธุ์อาร์ เพิ่มค่าตั๋วเจ้า พ่องลูกเศรษฐี มั่งมีแก่เถ้า ลูกยังมัวเมา ตางฮ้าย บ้านเมืองสมัย มีไปทั่วค้าย บ่ว่าลูกโจ๋รลูกไพร่ ลูกเจ้าคนดี บ่ว่าเจ้าจ๊าง มหาเศรษฐี เลี้ยงลูกบ่ดี มีไปทั่วหน้า ความฮู้ท่วมหัว เอาตั๋วเป๋นข้า อยู่ใต้อาชญา คอกคุก-แหล่นายเหย
ปู่สอนหลาน · ลำดับ 081